ശിവശംഭോ ..ശംഭോ ...

സന്ധ്യാപൂജ തൊഴുതിടാനായ്‌  ഞാന്‍
ശങ്കരസന്നിധിയില്‍ എത്തിടുമ്പോള്‍
സന്ധ്യയും കൈകൂപ്പി നിന്നനേരം
ശിവനാമകീര്‍ത്തനമുയരുന്നെങ്ങും

ശിവശംഭോ ..ശംഭോ ...ശിവശംഭോ..ശംഭോ
ശിവശംഭോ ..ശംഭോ ...ശിവശംഭോ..ശംഭോ

ശ്രീലകവാതില്‍ക്കല്‍ നിന്നനേരം
ശൈലാദ്രിനാഥനെ കാണുംനേരം
സ്വയമറിയാതെ നിറയുമെന്‍ നയനങ്ങള്‍
ശിവനാമം ചൊല്ലവെയിടറുമെന്‍കണ്ഠവും

ശിവശംഭോ ..ശംഭോ ...ശിവശംഭോ..ശംഭോ
ശിവശംഭോ ..ശംഭോ ...ശിവശംഭോ..ശംഭോ

ആലുവിളക്ക്  തെളിയിച്ചനേരം
അന്നദാനപ്രഭുവായ മഹേശന്‍
അര്‍ദ്ധനാരീശനായ് കണ്മുന്നില്‍ നിറയുന്നു
അഞ്ജലീബദ്ധനായ്‌  നിന്നിടുന്നു  ഞാനും

ശിവശംഭോ ..ശംഭോ ...ശിവശംഭോ..ശംഭോ
ശിവശംഭോ ..ശംഭോ ...ശിവശംഭോ..ശംഭോ

അഷ്ടമിവിളക്ക്

ഗുരുവായൂരപ്പന്റെ മാനസപുത്രനിന്നു
നിന്‍ തിരുനടയില്‍ വന്നൂ...
നിന്‍ പൊന്‍തിടമ്പേറ്റുവാന്‍ വന്നൂ...
ഏഴാമുല്‍സവനാളില്‍ വന്നവന്‍
ഏഴഴകോടെ നിന്നിടുമ്പോള്‍
എരികനല്‍നയനനും പുഞ്ചിരിതൂകി
പിന്നെ ശീവേലിവിളക്കിനായി എത്തിടുന്നൂ...
പഞ്ചാക്ഷരീമന്ത്രമുയര്‍ന്ന രാവില്‍
പത്മനാഭന്റെ ശിരസ്സിലേറി
ഭക്തജനങ്ങള്‍ക്കാനന്ദമേകി
ഭഗവാനെഴുന്നെള്ളി വന്നിടുന്നൂ...
താരകള്‍ കൈകൂപ്പി നിന്നിടുമ്പോള്‍
താളമേളങ്ങള്‍ മുഴങ്ങിടുമ്പോള്‍
ആനന്ദരൂപനായ്  നീയെഴുന്നെള്ളിടുമ്പോള്‍
നമിക്കുന്നു ലോകം ശങ്കരാ നിന്‍മുന്നില്‍